یاد باد...
یاد باد آنگه که سر کوی تو ام منزل بود...
+ نوشته شده در یکشنبه ۸ آبان ۱۳۹۰ ساعت 18:3 توسط محمد نادری دره شوری
منیم ائلیم قاشقایی
منیم ائلیم قاشقایی...
یاز اولاندا یازیلاندا گؤی داغلار
منیم ائلیم قاشقاییدان یاد ائدینگ
گول جوشاندا گولوشنده بولاغلار
منیم ائلیم قاشقاییدان یاد ائدینگ
یای اولاندا ائل یایلاغا چاتاندا
یاییق یایماگینا چاتما چاتاندا
گؤی چمنه توی چادیری دوتاندا
منیم ائلیم قاشقاییدان یاد ائدینگ
پاییز چاغی پوزولاندا گول باغی
تؤکولنده گولونگ رنگی یاپراغی
گئدن آغیر ائلینگ گئتمگی چاغی
منیم ائلیم قاشقاییدان یاد ائدینگ
قیش اولاندا قویون قاشا یاتاندا
چوبان چؤله چیگیلینی آتاندا
آغیر ائلینگ گونو گئدیب باتاندا
منیم ائلیم قاشقاییدان یاد ائدینگ
گؤ رنده ائل لرینگ باشیندا قایی
ساغیندا سولوندا قاشیندا قایی
اوخویاندا اورخون داشیندا قایی
منیم ائلیم قاشقاییدان یاد ائدینگ
ساق قایی دان او رستم ـ ی یلیندن
سول قایی سلجوغونگ تورکو دیلیندن
هر یئرده گلدی سؤز قایی ائلیندن
منیم ائلیم قاشقاییدان یاد ائدینگ
دوو دوشنده مصاف وقتی اولاندا
قوچ ایگیدلر وورهای وورو سالاندا
شهیدلرینگ انتقامین آلاندا
منیم ائلیم قاشقاییدان یاد ائدینگ
سهرابخاندان او قیلیجی جانستان
گوم بورونو بوکن الله وئردیخان
او صولت دن یاد اولاندا هر زمان
منیم ائلیم قاشقاییدان یاد ائدینگ
شیعه مرامیندان مذهب ـ ایماندان
فقاهت دن فلسفه دن عرفاندان
سؤز گلنده، حکیم جهانگیر خاندان
منیم ائلیم قاشقاییدان یاد ائدینگ
بحث اولاندا تحصیلات ارزشیندن
بهمن بیگی افسانه سی ایشیندن
ذکر اولاندا ائل لر آموزشیندن
منیم ائلیم قاشقاییدان یاد ائدینگ
یاز اولاندا یاد ائدنده گؤی داغی
پاییز چاغی پوزولاندا گول باغی
"نادم" دئیه ر: یای گونلری قیش چاغی
منیم ائلیم قاشقاییدان یاد ائدینگ...
بهمن ۸۶ شیراز
+ نوشته شده در یکشنبه ۲۹ آبان ۱۳۹۰ ساعت 14:51 توسط محمد نادری دره شوری
|
بیر پیامک جوغابی...
هر دم منی یاد ائیله رنگ
یئنگی جوانلیق باشلارام
اوره گیمی شاد ائیله رنگ
ساغلیق اینگی آلغیشلارام
سن بیر گولنگ من بیر یازام
بیلمم نه جور وصفینگ یازام
یا کی سندن اوره گ قازام
اجلی دؤیوب داشلارام
داهی قصد ائله مم اؤلم
گؤینوم ایستر دئیه م گولم
من بیر داغام نه بیر گولم
تا سن وارانگ من یاشلارام
من یاشارام دووران دؤنه
دوستلوگ گولی بارا مینه
سنی بیرگون گؤرم گئنه
گؤرمه سم گؤزو یاشلارام
"نادم" اؤلنده یادیمی
قیزیلدن ساخلاد آدیمی
یاز داشیما فریادیمی
(منتظر یولداشلارام)
+ نوشته شده در شنبه ۲۸ آبان ۱۳۹۰ ساعت 21:9 توسط محمد نادری دره شوری
|
پیامک...
پیامک یک دوست:
گر یاد ما نکردند یاران ندارد عیبی
چون شعر بد به خاطر نتوان سپرد ما را
جواب:
تو در یادی مرا چون نان و آبم
چو تقویم و قلم دفتر کتابم
مدامم حاضری در قلب نادم
چو نظم و قافیه در شعر نابم
+ نوشته شده در شنبه ۲۸ آبان ۱۳۹۰ ساعت 20:41 توسط محمد نادری دره شوری
|
پیامینگ گلنده...
دولموش دوداغیم گولوشدن
دویموشدور گؤزلریم یاشدان
"نادم!" اوره گیم آچیلمیش
شکر ائیله رم جان وباشدان (فتّانه ـ ۳۰/۳/۸۹ شیراز)
سنیینگ پیامینگ گلنده
گلیر جوشا قانیم منیم
اوزونگ گولوشدن دولاندا
گولومسنیر جانیم منیم
ایستک لی یم سنه ساغلیق
دایم گولوش، خوش داماغلیق
سن ائدنده داماق چاغلیق
دوتار یئر ایمانیم منیم
منه یاز قوشما غزلدن
دیندیر بولبولوم ازه لدن
دوشمه سم آیری گؤزه لدن
یاتار بو افغانیم منیم
"قیزیل" گلزارا گلمه سه
بولبول "فتّانه" اولماسا
"چیچک" چمنه دولماسا
چکر نه باغبانیم منیم؟
"قاسم" منه قسمت ائدر
"درویش" اینه رحمت ائدر
"اسلان" اینا حرمت ائدر
گلر او جانانیم منیم
"علم" اولدام ائله گلدم
الین آلدام اله گلدم
"نادم" اولدوم نادر اؤلدم
قالار آد و سانیم منیم
+ نوشته شده در جمعه ۲۷ آبان ۱۳۹۰ ساعت 16:22 توسط محمد نادری دره شوری
|
شیرین
چه شیرین آمدی
نرم و ملایم چون بهاران،
نشاندی بر دلم امید باران،
نسیم آسا گذر کردی
بر اعماق وجود من،
نوازشگرشدی برجان،
صفابخش دلم گشتی تو چون شبنم.
درآن هنگامه ی شادی
که امیدم ثمر میداد چون هیوای تابستان،
چنان توفان پاییزی
شکستی شاخه ی امید،
فسردی غنچه ی دل را،
به تاراج خزان بردی تمام آرزو هایم.
مرا در بیستون غم
سپردی بر زمستان و رها کردی!
به عشق حضرت خسرو
به فرهادت جفا کردی!
ز اشک او نپرسیدی !
ز آه او نترسیدی!
"نمیدانم
کجا؟
تا کی؟
برای چه؟
ولی رفتی!
و بعد از رفتنت"
شیرین!
دعایت می کنم
اما...
چو دریا میشود اشکم...
به گردون می رسد آهم...
"گؤزوم یولدا گلنگ سن"
"تو را من چشم در راهم"
اشعار داخل گیومه به ترتیب از"فروغ، قیزیل و نیما"
+ نوشته شده در جمعه ۲۷ آبان ۱۳۹۰ ساعت 15:39 توسط محمد نادری دره شوری
|
هجران
مجنون اولوب آواره یم داغلارا
داغدان داغا او لیلامی گزیرم
بیر بلبل ـ ی سرگردانام باغلارا
او غنچه یی بی همتامی گزیرم
"گرفتارام بیر هجران جانسوزا" ۱
بیلمم نئدم شوم اقبالا اولدوزا
محمدم یارام دایانمیش دوزا
او خدیجه یی سارامی گزیرم
خدیجه کی منی گؤندره حاجا
یئتیرده باشیمی مرصّع تاجا
دامانیندان اوچم قونام معراجا
من او یارـ ی مسیحامی گزیرم
مدت دیر کی داهی مئیلی منه یوخ
قیزیل گولونگ مئیلی بولبولونا یوخ
یانیرام من اوتومدا پروانا یوخ
الووومدان بی پروامی گزیرم
بو هجراندا دؤنوب اوره گیم قانا
نادمم کی نچین گلدیم جهانا
اون ائتدیم هر یانا دؤندوم اوز کانا
کاندان کانا من طلامی گزیرم
۱-(مصراع از قیزیل)
+ نوشته شده در دوشنبه ۱۶ آبان ۱۳۹۰ ساعت 23:6 توسط محمد نادری دره شوری
|
نگاریم بیر نظر ائیله...
نگاریم بیر نظر ائیله
دو باره نوجوان اولام
مزاریما گذر ائیله
دو باره نوجوان اولام
منم مجنون سننگ لیلا
منم صنعان سننگ ترسا
کاش اولایدیم من زلیخا
دو باره نوجوان اولام
سننگ شمس و من موولانا
بو چرخه یی قوی توولانا
عشقینگ لاچّینی اوولانا
دو باره نوجوان اولام
ویران کؤیلومو شاد ائیله
خرابه می آباد ائیله
منی مجنون فرهاد ائیله
دو باره نوجوان اولام
الینگ دایا توپراغیما
سسینگ ده یه قولاغیما
دوداغینگ قوی دوداغیما
دوباره نوجوان اولام
"نادمم"من بو دنیا دا
گئدیب عمروم عبث بادا
نگاریم گل اؤزونگ دادا
دوباره نو جوان اولام... ۲۰/۲/۸۷ شیراز
+ نوشته شده در یکشنبه ۱۵ آبان ۱۳۹۰ ساعت 19:8 توسط محمد نادری دره شوری
|
یانمیش اوره گ...
بارالها نیجه بیلدینگ سزاوار
عشق اوتوندا گئنه یانا اوره گیم
وئرم الدن ال و اوزده هرنه وار
یئنگی باشدان دؤنه قانا اوره گیم
گلیب گئدیب بودنیایی گزمیشم
دوست یولوندا جیگر بندیم ازمیشم
اؤزگه گؤزه ل لردن گؤنگول اوزموشم
بلکه دؤنه بیر سامانا اوره گیم
کؤچدی، گچدی عومروم الّی دن یاشیم
قار قوندو داغیما دؤشوردو داشیم
سان کی سئیلاب آخارـ آخار گؤزیاشیم
دؤن سامانا، دوشمه سانا اوره گیم
گؤزه ل لر گؤزلری جانینگ آلاندیر
زولفو عقرب کمند ساچّی ایلان دیر
اینانما کی شیرین قوولو یالان دیر
گؤین خوش اولما هر یالانا اوره گیم
"عشقه"دن دوروم ـ دوروم گول دوردونگ
سن"عفّ"ینن غملی کؤیلو گولدوردونگ
"کتمه" ینن نه دوورانلار کی سوردونگ
"فمات" دن گلدینگ جانا اوره گیم
رحم ائیله سن ناتوانا اوره گیم
آرخا وئرمه آد و سانا اوره گیم
بو "نادمی" قوی تا یانا اوره گیم
یئنگی باشدان عشق اوتونا اوره کیم
"من عشقه و عفّ و کتمه فمات، بل مات شهیدا"
(کسی که عاشق شود عفت بورزد و کتمان کند پس بمیرد، مرگ او شهادت است.حدیث نبوی)
۱۰/۲/۸۷ جادّه شیرازـ دهدشت
+ نوشته شده در یکشنبه ۱۵ آبان ۱۳۹۰ ساعت 18:25 توسط محمد نادری دره شوری
|
بمو داغی
بمو داغی سحر چاغی
اوره گده بیر گؤزه ل داغی
کاش اولایدی اؤزو ساقی
ایچم جام شرابیندان
من بو داغدان آشام گئدم
قان اوره گدن جوشام گئدم
نئچّه قوشما قوشام گئدم
سرمست او مئی ی نابیندان
باخدیم حافظ اینگ فالینا
امیدیم یوخ وصالینا
اوره گ اوره گیم حالینا
یاندیرایدی ثوابیندان
آغ توکومدن شرم ائده یدی
داش اوره گی نرم ائده یدی
مهر اوتونو گرم ائده یدی
گلم شووغا جوابیندان
دوشدو مطلع بو سؤزومدن
قیزیل قان گئدر گؤزومدن
"نادم" دئر اؤرگن اؤزومدن
یاز اوره گیم کیتابیندان
+ نوشته شده در سه شنبه ۱۰ آبان ۱۳۹۰ ساعت 23:34 توسط محمد نادری دره شوری
|
