مجنون اولوب آواره یم داغلارا 

داغدان داغا او لیلامی گزیرم

بیر بلبل ـ ی سرگردانام باغلارا

او غنچه یی بی همتامی گزیرم

 

"گرفتارام بیر هجران جانسوزا" ۱

بیلمم نئدم شوم اقبالا اولدوزا

محمدم یارام دایانمیش دوزا

او خدیجه یی سارامی گزیرم

 

خدیجه کی منی گؤندره حاجا

یئتیرده باشیمی مرصّع تاجا

دامانیندان اوچم قونام معراجا

من او یارـ ی مسیحامی گزیرم

 

مدت دیر کی داهی مئیلی منه یوخ

قیزیل گولونگ مئیلی بولبولونا یوخ

یانیرام من اوتومدا پروانا یوخ

الووومدان بی پروامی گزیرم

 

بو هجراندا دؤنوب اوره گیم قانا

نادمم کی نچین گلدیم جهانا

اون ائتدیم هر یانا دؤندوم اوز کانا

کاندان کانا من طلامی گزیرم

۱-(مصراع از قیزیل)